Ish-ministrja e Arsimit, Besa Shahini ka sjellë në jetë fëmijën e saj të parë. Ajo dhe bashkëshorti i saj, kryetari i Partisë Socialdemokrate, Dardan Molliqaj, janë bekuar me një vajzë.
Lajmin e bëri të ditur vetë Shahini përmes një foto të publikuar në Facebook, ku shfaqet teksa mban pranë vetes vajzën e porsalindur. Ajo e kishte mbajtur të fshehtë lajmin e shtatzënisë deri në momentin kur vogëlushja ka ardhur në jetë.
Besa Shahini krahas fotos nuk harron të falenderojë mjekët që i janë gjendur pranë, teksa ka bërë të ditur se ka zgjedhur spitalin publik “Koco Gliozheni”, Tiranë për të lindur të bijën.
