Moti i keq dhe era e fortë ka regjistruar viktimën e parë në qytetin e Kuçovës. Një 26-vjeçar, Majkëll Vrapi, që ishte duke punuar për montimin e një paneli diellor në shtëpinë e një të afërmi të tij, ka ndërruar jetë mbrëmjen e djeshme. Vrapi ra nga soleta e shtëpisë si pasojë e erës, por rrëzimi nga një lartësi rreth 3 metër i shkaktoi të riut fraktura dhe shembje në të gjithë trupin.
Majkëll Vrapi u gjet pa ndjenja në tokë dhe u transportuar drejt Spitalit Rajonal Berat. Ai iu nënshtrua një ndërhyrjeje të menjëhershme kirurgjikale por për shkak të gjendjes së tij të rënduar, 26-vjeçari u transportua drejt Spitalit të Traumës në Tiranë ku nuk mundi t'i mbijetonte plagëve.
