Një 61-vjeçar është ndaluar sot në Korçë i akuzuar se ka ngacmuar seksualisht vajzën e tij, 6 vjeçe. Sipas bluve, është ndaluar shtetasi J. K., 61 vjeç, pasi dyshohet se ky shtetas ka konsumuar veprën penale “ngacmimi seksual”, me vajzën e tij të mitur. Mësohet se për tre ditë ai ka qenë nën vëzhgim dhe hetimet ende vijojnë në lidhje me rastin e rëndë.
Mësohet se nëna e 6-vjeçares është me probleme të shëndetit mendor, ndërsa vajza e mitur ka pësuar humbje të shikimit në njërin sy dhe ka gjithashtu prapambetje mendore. Materialet i kaluan Prokurorisë pranë Gjykatës së Shkallës së Parë Korçë, për hetime të mëtejshme.
