Një 29-vjeçar ka rënë në prangat e policisë, ndërsa një 28-vjeçar është shpallur në kërkim, pasi kanë blerë produkte në një dyqan me një kartëmonedhë të falsifikuar.
“Specialistët e Hetimit të Krimit Ekonomiko-Financiar arrestuan në flagrancë për veprën penale “Falsifikimi i monedhave”, shtetasin Q. Sh., 29 vjeç, banues në Vlorë dhe shpallën në kërkim shtetasin L. H., 28 vjeç, banues në lagjen “Bashkimi”, Vlorë, pasi këta shtetas, në bashkëpunim me njëri-tjetrin kanë blerë disa produkte, në një dyqan, me një kartmonedhë euro të dyshuar të falsifikuar”, njofton policia.
