Pas mbledhjes së qeverisë, ministri i Drejtësisë Ulsi Manja i pyetur nëse Partia Socialiste duhet të mbajë përgjegjësi për faktin se një deputet i tyre, Alqi Bllako, i është lëshuar urdhër arresti nga SPAK tha se përgjegjësia është individuale. Manja nuk pranoi të komentojë gjatë, ndërsa theksoi se është një çështje që i takon drejtësisë.
"Është i qartë qëndrimi ynë . Çështje e drejtësisë janë të saj. Kushdo që shkel ligjin është përgjegjësi individuale. PS është lokomotiva e qeverisjes. Që është votuar nga 800 mijë shqiptarë.” tha ministri Manja.
Kujtojmë që sot në orën 18:00 do të mblidhet Këshilli i Mandateve për të shqyrtuar kërkesën e SPAK për dhënien e autorizimit për arrestimin e deputetit socialist Alqi Bllako, i akuzuar për aferën e incineratorit në Fier.
