Agjencia e OKB-së për refugjatët, UNHCR, ka bërë me dije se më shumë se katër milionë refugjatë janë larguar nga Ukraina që kur Rusia nisi pushtimin.
Sipas shifrave të bëra publike nga Organizata e Kombeve të Bashkuara, rreth 2.3 milionë ukrainas janë vendosur në Poloni.
Rreth 6.5 milionë ukrainas janë zhvendosur nga banesat e tyre si pasojë e luftimeve.
Ka kaluar më shumë se një muaj nga mëngjesi i 24 shkurtit, kur forcat ruse filluan atë që quajnë "operacionin special të demilitarizimit dhe denazifikimit të Ukrainës".
