Zëvendësministrja e Bujqësisë, Ermira Gjeci në konference për mediat deklaroi se nuk janë zbuluar raste të reja me gripin e shpendëve. Ndërsa vijon ende eliminimi i pulave të ngordhura, zv. Ministrja e Bujqësisë siguron se nuk ka asnjë rrezik për konsumimin e mishit dhe vezëve. Ajo theksoi se ushqimet në vendin tonë në qendrat e licencuara janë të sigurta për konsumatorin.
“Për situatën e gripit të shpendëve nuk kemi pasur asnjë rast të ri pozitiv. Po ashtu nuk kemi pasur denoncime. Në të gjithë territorin, vijon procesi i eliminimit dhe groposjes së shpendëve të ngordhur duke zbatuar rregullat e mirëqenies së kafshëve.. Jemi në monitorim të vazhdueshëm në të gjithë territorin. Ushqimet në tregun tonë janë të sigurta për konsumatorin, nuk ka asnjë rrezik nga konsumi i mishit dhe i vezëve”, tha Ermira Gjeci, zv. Ministre e Bujqësisë.
Në vend ka ende kafshë të gjalla që duhet të eleminohen për të ndaluar përhapjen e mëtejshme.
