Duka i Kembrixhit ka folur për skllavërinë në një fjalim në Xhamajkë. Gjatë mbërritjes së tij në vend, bashkë me Kate, princi u prit me protesta nga vendasit. Protestuesit mbanin në duar pankarta ku shkruhej “kërkoni falje”.
William nuk e la pa e përmendur këtë çështje gjatë fjalimit të tij, duke shprehur dhimbjen e thellë. Ai tha se skllavëria ishte e neveritshme, "nuk duhet të kishte ndodhur kurrë" dhe "e ka njollosur përgjithmonë historinë ".
"Ndërsa dhimbja është e thellë, Xhamajka vazhdon të krijojë të ardhmen e saj me vendosmëri, guxim dhe qëndresë," tha ai.
Princi shtoi se Mbretëresha kishte një dashuri të thellë për vendin dhe tha se ishte prekur kur kishte dëgjuar nga xhamajkanët për dashurinë e tyre për gjyshen e tij në vitin e saj jubilar të Platinit.
Më parë, kryeministri i ishullit, Andrew Holness, i tha mbretit të ardhshëm se vendi i tij kishte në plan të ndiqte qëllimet si një vend i pavarur.
