Shoku i ngushtë i Pete Davidson, Jon Stewart është krenar për mënyrën se si komediani po e përballon situatën me reperin e njohur, Kanye West.
Gjatë një interviste me emisionin radiofonik të Hoëard Stern, “SiriusXM”, Stewart tha se ai po bën më të mirën e mundshme për këtë situatë.
“Unë mendoj se ai po bën më të mirën e mundshme për këtë situatë. Sepse ka të bëjë me diçka që është shumë e rëndë dhe e ngarkuar. Unë thjesht e dua atë fëmijë.”
Ish-prezantuesi i “Daily Show” vuri në dukje se ai e njeh Davidson, “shumë mirë” dhe se ai është thjesht një fëmijë që po përpiqet të jetojë jetën e tij.
“Ai është thjesht një fëmijë që përpiqet të jetojë jetën e tij. Ai është një nga njerëzit e mi të preferuar”, tha ylli amerikan.
Stewart gjithashtu tha se ka një “instikt shumë atëror” ndaj Davidson, si dhe humoristëve të tjerë, sepse e di se sa e vështirë mund të jetë industria e tyre.
“Unë kam gjithmonë një instinkt shumë atëror ndaj atyre djemve, sepse kam parë shumë nga miqtë e mi të hyjnë në telashe dhe disa prej tyre të vdesin, dhe ju nuk e dëshironi këtë”, tha ai. “Është një biznes i ndërlikuar”.
Stewart u bë i afërt me Davidson me kalimin e viteve përmes profesionit të tyre të përbashkët.
