Në 24 orët e fundit, ushtria ruse pretendon se ka shkatërruar 137 shënjestra nga ushtria ukrainase dhe 14 dronë përfshirë këtu edhe të famshmin “Bayraktar TB2”.
Shifrat janë publikuar nga zëdhënësi i ministrisë së Mbrojtjes në Rusi Igor Konashenkov. Sipas tij, që nga nisja e pushtimit, forcat ukrainase kanë humbur 1528 automjete të blinduara dhe 230 dronë.
Po ashtu një tjetër ministri e Putinit u është përgjigjur SHBA-ve lidhur me akuzat për përdorim të armëve biologjike dhe kimike në Ukrainë. Zëvendësministri i Jashtëm i vendit Sergei Ryabkov ka deklaruar të martën se Rusia nuk ka armë të tilla.
Sipas Rusisë, deklaratat e presidentit amerikan Joe Biden janë “insinuata të gabuara”.
