Kryeministri Rama ka deklaruar se ditët pa makina duhet të bëhen hap pas hapi pjesë e pandashme e kalendarit tonë mujor. Në një postim në rrjetin social “Facebook”, kreu i qeverisë shprehet se fuqizimi i transportit publik dhe nxitja e përdorimit të biçikletave në qytet do të jenë pjesë e pandashme e punës së përbashkët të qeverisë me pushtetin vendor.
“Dita pa makina duhet të bëhet hap pas hapi pjesë e pandashme e kalendarit tonë mujor, ashtu sikundër fuqizimi i transportit publik dhe nxitja e përdorimit të biçikletave në qytet, do të jenë pjesë e pandashme e punës së përbashkët me pushtetin vendor, për më shumë cilësi jete në hapësirat publike të komuniteteve tona”, shkruan Rama.
