Kanye West i është ndaluar të performojë në çmimet Grammy muajin e ardhshëm për shkak të "sjelljes në internet", tha një përfaqësues i reperit.
Vendimi, i konfirmuar për Variety, erdhi një ditë pasi West, tashmë i njohur ligjërisht si Ye, u pezullua nga Instagram për 24 orë. Platforma tha se përmbajtja në llogarinë e 44-vjeçarit ishte në kundërshtim me politikat e saj për "gjuhën e urrejtjes, bullizmin dhe ngacmimin".
Trevor Noah, komediani dhe drejtuesi i Daily Show, kritikoi postimet e West për ish-bashkëshorten e tij, Kim Kardashian. West u përgjigj duke përdorur një fyerje racore. Më pas postimi u fshi.
West ka fituar 22 Grammy nga 75 nominime dhe është në garë për pesë çmime këtë vit. Por ai nuk ishte në listën e parë të interpretuesve të shpallur këtë javë. Një përfaqësues i këngëtarit tha se "Ekipi i Kanye nuk është i befasuar nga vendimi për përjashtim."
