Megjithëse u shpreh e gatshme të largohej nga ideja e bashkimit të NATOS-s, Ukraina nuk do të tërheqë aplikimin e saj për anëtarësim në Bashkimin Europian, në mënyrë që të arrijë një marrëveshje me Rusinë për përfundimin e luftës. Këtë lajm e ka dhënë Andrii Sybiha, këshilltar i Presidentit ukrainas Zelensky, në një fjalim në televizionin kombëtar.
“Do të flas shkurt dhe qartë: kjo është absolutisht e papranueshme. Është zgjedhja jonë. Aplikimi për anëtarësim në BE është bërë dhe tani po vendoset në praktikë”, tha Sybiha.
Ai shtoi se negociatat e paqes me Rusinë po vijojnë, por janë të vështira. Më herët presidenti i Ukrainës, Volodymyr Zelensky ka sugjeruar se vendi duhet të pranojë se nuk do të jetë në gjendje të bashkohet me aleancën ushtarake të NATO-s.
