Presidenti ukrainas Volodymyr Zelenskiy mbajti një fjalim kombëtar mbrëmjen e djeshme, ku ai e quajti Rusinë një shtet terrorist dhe tha se sulmi në Mariupol nuk ndryshonte nga rrethimi i Leningradit, shkruan The Guardian
“Lufta nuk ka të ndalur. Krimet e luftës vazhdojnë. Ekonomia ruse është ende në gjendje të furnizojë makinën ushtarake. Kjo është arsyeja pse ne kemi nevojë për sanksione të reja kundër Rusisë. Bota më në fund duhet të njohë zyrtarisht se Rusia është bërë një shtet terrorist”
Zelenskiy gjithashtu iu drejtua rusëve, duke u kërkuar atyre të pyesin nëse rrethimi i Mariupolit është i ndryshëm nga rrethimi i Leningradit dhe duke u premtuar ushtarëve rusë që nëse dorëzojnë armët do të kenë një shans për të mbijetuar.
“Ka ende një mundësi. Ekziston një mundësi për çdo ushtar që nuk është vrarë, plagosur apo është kapur rob. Ushtria ruse po pëson humbje që nuk i ka parë as në Siri apo Çeçeni. Nëse lufta juaj, lufta kundër popullit ukrainas, do të vazhdojë, nënat do të humbasin më shumë fëmijë sesa në luftërat afgane dhe çeçene.
Çdo ushtar rus që do të dorëzojë armët do të ketë një shans për të mbijetuar,” përfundoi presidenti.
