Ylli i “Keeping Up With The Kardashians”, Kim Kardashian, zbuloi ditën e sotme në emisionin “The Ellen DeGeneres Show” pse Pete Davidson ka vendosur të ketë tatuazh emrin e saj në gjoksin e tij. Kjo nuk është e gjitha, pasi Kim gjithashtu konfirmoi se Davidson ka më shumë se një tatuazh që ia dedikon asaj.
“Po, ai ka disa tatuazhe,” tha ajo. “Disa të lezetshme që ai i bëri, por ‘KIM’ nuk është një tatuazh. Është një markë. Ai donte të bënte diçka që ishte vërtet ndryshe.”
Ellen DeGeneres kishte një shikim të zbrazët në fytyrën e saj ndërsa përpiqej të përpunonte atë që sapo kishte dëgjuar dhe ajo donte më shumë informacion.
Kardashian shpjegoi se tatuazhi i parë që bëri për të ishte i lezetshëm. Pastaj erdhi i dyti, e kështu me radhë.
“Kjo është ajo çfarë bëjnë njerëzit me tatuazhe”, shpjegoi Kardashian. “Ata bëjnë tatuazhe të gjërave që bëjnë në jetën e tyre”.
Kur DeGeneres e ndërpreu dhe e pyeti nëse Davidson kishte tre tatuazhe të saj, Kardashian u përgjigj:
“Pak më shumë se aq”.
Ylli i “Keeping Up With The Kardashians” tregoi se tatuazhi me emrin “KIM” është bërë sepse Pete donte ta kishte si “shenjë” mbi veten.
“Ai tha: ‘Unë nuk dua të jem në gjendje ta heq qafe ose ta mbuloj, thjesht e dua aty, si shenjë mbi mua.”, u shpreh Kardashian.
Ajo gjithashtu zbuloi se cili nga tatuazhet e Davidson është i preferuari i saj.
“Mendoj se i preferuari im, është tatuazhi që thotë: ‘Vajza ime është avokate’”, tha Kim teksa e bënte me shenjë nga shpatulla e saj e majtë.
