Java e Modës në Paris që zhvillohet zakonisht në mars, tërheq më së shumti stilin e rrugës, i cili sillet më shpesh rreth tendencave të fundit të pranverës, edhe pse veshja e dimrit është ende e pranishme. Këtë vit, protagonistët e Javës së Modës ndërthurën elemente nga të dyja stinët, duke kombinuar pulovrat e thurura me pantallonat e gjera ose me xhaketa me mëngë të shkurtra.
Nga një fustan i shkurtër me ngjyra “Dior” i viteve '60, deri te kostumi i mrekullueshëm nga "The Matrix", frymëzimet ishin sa emocionuese, aq edhe të ndryshme.
Ngjyrat e guximshme nuk ishin aspak të lodhshme këtë sezon, duke nisur që nga xhinset e deri tek aksesorët me ngjyrat e forta si e gjelbër apo portokall.
Java e Modës në Paris ka risjellë edhe trendin e çantave apo aksesorëve të tjerë të shndritshëm që pamë në pak javë më parë edhe në New York.
Kapela në formë kove në ngjyrë portokalli të ndezur, por edhe çanta jeshile “Dior” u panë gjithandej dhe, me siguri, do të dominojnë stinët e ngrohta.
