Aktori i njohur ,Javier Bardem ka zbuluar së fundmi një nga punët që ka bërë para se të futej në botën e aktrimit.
Gjatë intervistës me Ellen De Generes, Javier tregoi se kur ishte në të 20-at e tij në atë kohë, atij i ofrua një vend pune pasi performoi për gruan e një shoku, ndërsa ishin duke festuar në një disko."Fillova të kërcej në pistën e vallëzimit dhe pronari i diskos më tha: "A do ta bësh këtë çdo të premte?" Dhe unë thashë: "Po, sigurisht!" Sepse isha i dehur”, shpjegoi aktori. "Pastaj më punësuan! Më duhej të performoja të premten tjetër dhe isha aq nervoz sa thirra mamin dhe motrën time që të më shoqëronin në numrin tim të striptizmit."
Ai rrëfeu se kishte vetëm pak njerëz të pranishëm për ta parë atë të performonte "You Can Leave Your Hat On" të Joe Cocker-it me një kostumtë grisur. "Nuk ishte askush, mendoj se ishin tre persona atje dhe ishte shumë e turpshme, por e bëra," tha Bardem. “Dmth, unë jam një interpretues dhe kam dhënë fjalën time, kështu që kam qenë një striptist për një ditë”.Kur Ellen e pyeti nëse do të ishte i interesuar për të marrë pjesë në filmin e ardhshëm 'Magic Mike', aktori hodhi poshtë sugjerimin. "Po, ata më kërkuan të luaja pjesën ku plaku hyn dhe përpiqet të bëjë diçka dhe ata e ndalojnë atë,"u shpreh Javier me shaka. "Jo, ata djem e dinë se çfarë po bëjnë."/Lapsi.al
