Aktori i njohur, Alec Baldwin paraqiti dokumente ligjore të premten duke mohuar çdo përgjegjësi për vrasjen e Halyna Hutchins.
Ai ka fajësuar kineasten e ndjerë për dhënien e udhëzimeve që çuan në aksidentin vdekjeprurës.
Dokumentet e tij zbulojnë gjithashtu se Baldwin bëri një “përpjekje shteruese” për të mbledhur ekipin për të përfunduar filmin edhe pasi një mori padish e fajësuan atë për vdekjen e Hutchins.
“Ky është një rast i rrallë kur sistemi u prish dhe dikush duhet të mbahet ligjërisht fajtor për pasojat tragjike”, shkroi avokati i yllit, Luke Nikas, në një dosje arbitrazhi të publikuar nga Deadline.
“Ai person nuk është Alec Baldwin”, thuhet në dosje, duke shtuar se ai është thjesht “një aktor”.
Baldwin është në cilësinë e të pandehurit në lidhje me tragjedinë e rëndë, ku mbeti viktimë kineastja, nëna e një fëmije.
Ngjarja ndodhi me 21 tetor të 2021, ndërsa ende hetimet nuk janë mbyllur.
Në dosjen e fundit dalë nga hetimet, thuhej se aktori nuk ishte përgjegjës për vdekjen e saj, sepse ishte siguruar se arma që po përdorte në skenë nuk përmbante plumba të vërtetë dhe gjithashtu sepse ai nuk kishte përgjegjësi për kontrollin e armëve në set, siç roportoi fillimisht gazeta prestigjoze New York Times.
