Detaje të reja janë mësuar nga operacioni i SPAK në 5 qytete të vendit, kundër trafikimit të lëndëve narkotike. Në tërësi mësohet se janë 44 vendime gjyqësore të caktuara në mungesë, 42 “arrest në burg”, 1 “arrest në shtëpi” dhe 1 “detyrim paraqitje”, të gjitha të lëshuara për trafik droge. Hetimi për këtë megaoperacion mësohet se është nisur nga viti 2019, fillimisht në dosje të veçuara në rrethe e më pas të bashkuara në një procedim të vetëm në SPAK.
Operacioni i SPAK shtrihet në qytetin e Vlorës, Tepelenës, Durrësit, Tiranë dhe Lezhë dhe bëhet me dije se policia ka arrestuar 18 persona, mes tyre dy efektivë policie, një në Gjirokastër dhe një në Tepelenë. Të përfshirë janë 5 grupe që kanë bashkëpunuar për kultivim dhe trafik hashashi, por ka edhe të proceduar për mbajtje të sasive të vogla të kokainës.
