Shefja Operative e Meta-s, Sheryl Sandberg ka sugjeruar se Rusia dhe Ukraina nuk do të ishin në luftë nëse do të drejtoheshin nga gra.
"Asnjë shtet i drejtuar nga gratë nuk do të shkonte kurrë në luftë," i tha Sandberg, Hadley Gamble të CNBC.
Rusia nisi pushtimin e saj në Ukrainë në fund të muajit të kaluar. Presidenti Vladimir Putin ka thënë se qëllimi i tij është "çmilitarizimi i Ukrainës", si dhe njohja e Krimesë si ruse dhe rajonet e kontrolluara nga rebelët Donetsk dhe Luhansk si shtete të pavarura. Ukraina thotë se ka të drejtën e vetëvendosjes dhe se dëshiron anëtarësimin në Bashkimin Evropian.
Sandberg tha se, nëse gjysma e botës do të drejtohej nga gratë, ajo beson se bota do të ishte "më e sigurt" dhe "shumë më e begatë".
Në ditët e para të pandemisë së koronavirusit, vendet e udhëhequra nga grate, si Zelanda e Re, performuan më mirë se homologët e tyre të drejtuar nga meshkujt, sipas ekzekutives së Meta-s.
Megjithatë, pandemia ka ngritur një sërë sfidash për barazinë gjinore, tha Sandberg. Covid ishte një “krizë e plotë për barazinë gjinore”, tha ajo, duke shtuar se pjesëmarrja e grave në fuqinë punëtore “po bie në të gjithë botën”.
"Covid ka zhdukur tri dekada e gjysmë përparim për gratë," tha Sandberg. Gratë po largohen nga fuqia punëtore për shkak të një ekuilibri të pabarabartë të punës në shtëpi".
Norma e pjesëmarrjes së fuqisë punëtore të grave arriti në 57% në janar, që është niveli më i ulët që nga viti 1988, sipas analizës nga Qendra Kombëtare e Drejtësisë së Grave.
