Kur kanë mbetur vëtëm disa kuti të fundit për t'u numëruar në Lushnjë, duket se rezultati nuk ka ndryshuar. Kandidatja e Partisë Socialiste, Eriselda Sefa, ka fituar ndjeshëm përballë kandidatit të PD dhe atij të koalicionit “Shtëpia e Lirisë. Sefa e Partisë Socialiste është duke shkuar drejt fitores me rezultat të thellë votash, pasi ka siguruar 20 646 vota ose 58.58% të të gjithë votave të numëruara. Në vend të dytë renditet Elton Bano i “Shtëpisë së Lirisë” i cili ka marrë besimin e 10 940 qytetarëve, ose 31.04% të votave të numëruara.
Ndërkohë Indrit Sefa i Partisë Demokratike ka siguruar 3661 vota, thënë ndryshe 10.39% të votave.
