Reperi i njohur, Kanye West kohët e fundit mori reagime masive në internet për videoklipin e tij të ri.
Reperi ka arritur të ndërtojë një skenë me anë të animacioneve, ku në të duket Kanye i cili po rrëmben dhe varros të dashurin aktual të Kim Kardashian, Pete. Videoja u cilësua shqetësuese nga shumë përdorues të rrjetit.
Së fundmi Kanye ka postuar në llogarinë e tij të “Instagrami”-it dhe ka reaguar ndaj gjithë polemikave që shkaktoi videoklipi i tij, teksa u përpoq të shpjegonte se nuk kishte qëllime të këqija.
West shkruajti në postimin e tij:
“Arti është terapi ashtu si kjo pamje. Arti mbrohet si liria e fjalës. Arti frymëzon dhe thjeshton botën. Arti nuk është një përfaqësues për asnjë sëmundje apo dëm. Sugjerimi ndryshe për artin tim është i rremë dhe i qëllimshëm.“
Pete Davidson nga ana tjetër, e kishte menduar për videon e reperit se ishte qesharake dhe nuk e mori aq seriozisht.
Por duket se të afërmit e tij e panë të arsyeshme të shfrytëzonin rastin për të mbrojtur personalitetin e tij në publik, pasi regjisori James Gunn postoi një shënim të ëmbël për të në “Twitter”.
Regjisori i “Suicide Squad”, i cili ka punuar me Pete në film, e quajti humoristin një nga djemtë më të këndshëm dhe më të ëmbël dhe kjo deklaratë e tij mori një pëlqim edhe nga e dashura e Davidson, Kim Kardashian.
