Qytetarët e Vorës, Shkodrës, Durrësit, Dibrës, Lushnjës e Rrogozhinës votuan sot në zgjedhjet e pjesshme lokale për të caktuar kryetarin e ri të bashkisë. Mbi 160 mijë qytetarë me të drejtë vote iu përgjigjen thirrjes për të marrë pjesë në votime mes kandidatëve të PS-së, PD-së dhe koalicionit “Shtëpia e Lirisë”.
Në bashkinë Lushnjë dhe Shkodër të gjitha kutitë e votimit kanë mbërritur në KZAZ-të përkatëse ndërsa pritet që pas orës 23.00 të nisë procesi i numërimit.
Zgjedhjet përgjithësisht ishin të rregullat dhe problemet më së shumti ishin për shkak të motit të keq dhe mungesës së energjisë elektrike. Pjesëmarrja ishte shumë e ulët, ku 30.33% e votuesve kanë ushtruar të drejtën e votës.
