Mediat e huaja kanë raportuar së fundmi se këngëtarja e njohur Lady Gaga do të prezantojë "Oscar Awards 2022"
Lajmi u konfirmua nga Akademia e Arteve dhe Shkencave të Filmit e cila zbuloi grupin e parë të prezantuesve të enjten, ku përfshihen gjithashtu Zoë Kravitz, Chris Rock, Kevin Costner, Rosie Perez dhe Yuh-Jung Youn, ylli i Minari që fitoi aktoren më të mirë dytësore vitin e kaluar."Filmat na frymëzojnë, na argëtojnë dhe na bashkojnë anembanë globit. Ky është qëllimi i saktë i shfaqjes këtë vit dhe ne jemi të emocionuar të mirëpresim grupin e parë që i bashkohet skenës së Oscars për të na ndihmuar të festojmë fuqinë e filmit dhe nderojmë më të mirët e vitit në bërjen e filmave”, tha producenti i shfaqjes Will Packer në një deklaratë.
Mungesa e Gaga-s në nominimet e këtij viti shënoi një surprizë të madhe duke pasur parasysh nominimet e saj në Golden Globes, Screen Actors Guild Awards dhe BAFTA Awards. Si film, House of Gucci mori një nominim për Oscar, për grimin më të mirë dhe stilimin e flokëve. Këngëtarja fitoi Oscar për këngën "Shallow" nga filmi A Star Is Born në vitin 2018 dhe u nominua tre herë gjithsej, duke përfshirë edhe për aktoren më të mirë në të njëjtin film./Lapsi.al
