Dy humbje jete dhe 111 të infektuar është bilanci i Covid-19 në 24 orët e fundit në vendin tonë. Numri më i lartë i infektimeve është konstatuar në kryeqytet, teksa pasohet nga Saranda, Fieri dhe Gjirokastra. Ministria e Shëndetësisë ka raportuar se në spitalet COVID po marrin trajtim 64 pacientë, nga të cilët 9 janë në gjendje më të rënduar. Sipas të dhënave, janë 2896 pacientë aktivë me koronavirus në të gjithë vendin.
Janë shëruar 372 qytetarë gjatë 24 orëve të fundit, duke e çuar numrin e të shëruarve në 265,067 që nga fillimi i epidemisë.
