MC Kresha është padyshim një ndër reperët më të suksesshëm të estradës. Reperi i njohur e ruan me fanatizëm jetën private, duke dashur të ndajë me publikun vetëm jetën profesionale të tij.
Por burimet për Prive kanë zbuluar se MC Kresha është bërë baba për herë të dytë, në orët e pasdites së 23 shkurtit. Lindja është kryer në Kanada, atje ku Kresha dhe Erzina janë zhvendosur bashkë.
Sipas këtyre burimeve, foshnja, i gjinisë djalë dhe bashkëshortja e reperit, Erzina janë në gjendje të mirë shëndetësore.
Kujtojmë se reperi dhe partnerja e tij kanë edhe një vajzë me emrin, Iza. Lajmin e bëri të ditur babi i Erzinës, përmes një postimi në rrjete sociale.
“Mirë se erdhe në jetë Iza. Jeta yte qoftë e uruar nga ZOTI, veç me të mira, por edhe stuhitë e jetës kurrë mos të lakofshin.”, shkruajti ai.
Rikujtojmë se Mc Kresha i dha fund beqarisë më 15 dhjetor 2019. Reperi kurorëzoi në martesë lidhjen e tij me Erzinën.
Çifti e mbajti deri në momentin e fundit sekret martesën e tyre, ndërsa ceremonia ka qenë tepër private.
Gjithsesi mediat kosovare publikuan foto të partneres së Mc Kreshës, Erzinës si dhe pamje nga vendi se ku u zhvillua ceremonia e dasmës çifti.
