Pas postimeve të panumërta dhe shpesh herë konfuzuese të Kanye West lidhur me ish-gruan e tij, me shumë mundësi shumë prej jush mendoni se si ndihet Kim Kardashian lidhur me to.
Mesa duket, Kim ka në plan të jetojë jetën e saj ashtu siç i pëlqen, qoftë edhe mes zhurmave të Kanye West në rrjetet sociale.
Themeluesja e “SKIMS” nuk ka ndërmend të shqetësohet nga ishi i saj Kanye West. Një burim i afërt me yllin e “Keeping Up With the Kardashians” i tha “HollywoodLife” se Kim e ka parë shfryrjen e mllefit për të e për Pete-n nga reperi në rrjetet sociale.
“Kim nuk do të fillojë të drejtojë jetën e saj bazuar në kërcënimet apo qëndrimet negative nga Kanye,” tha një burim i brendshëm. “Kim nuk shqetësohet nga Kanye dhe planifikon të jetojë jetën e saj si ajo ka dëshirë. Në fund të fundit, kjo gjë thjesht po e afron atë me Pete Davidson sepse ai ka qenë një shpatull për të për t’u mbështetur e për ta kaluar sa më mirë këtë situatë.”
“Kim vërtetë nuk dëshiron të kalojë një moment tjetër duke u shqetësuar për mënyrën se si ndihet Kanye. Dhe në vend të kësaj, ajo përqëndrohet më mirë te njeriu që kujdesët për të e që po i qëndron pranë gjatë kësaj situate. Ajo e kupton se kjo mund të jetë shumë për t’u përballur dhe ajo është shumë mirënjohëse për durimin që Pete ka pasur me të gjithë këtë provë.”
