Neymar da Silva Santos Júnior, ose siç njihet thjesht, Neymar, ka tërhequr famë në mbarë botën për aftësitë e tij në fushë me klubet kryesore si FC Barcelona dhe Paris Saint-Germain, së bashku me ekipin kombëtar brazilian. Ai gjithashtu krijon një trazim jashtë fushës, me sjelljen e ndezur dhe të diskutueshme që e mban atë në syrin e tabloidëve.
Në “Neymar: The Perfect Chaos”, një dokumentar i ri me tre pjesë në Netflix, ylli del para kamerës për të treguar anën e tij të historisë. Neymar e di se ka njerëz që mendojnë se ai mund të jetë një përbindësh. Futbollisti brazilian thotë shumë në dokumentarin e ri të Netflix, në të cilin e përshkruan rrjedhën e jetës së tij.
Por, ylli i Paris Saint-Germain i ka thënë regjisorit David Charles Rodrigues se shpreson që kamerat dhe dokumentari i ri do të lejojnë gjithashtu botën të shohë personin e vërtetë që është. Në hyrje të klipit dëgjohet Neymar teksa thotë: Duhet të filloni me përbindëshin… Neymar është një përbindësh, blah blah, çfarëdo qoftë…të gjithë që më kritikojnë, pastaj më njohin.
“Neymar: The Perfect Chaos”, dokumentari me tri pjesë na mundëson një vështrim brenda jetës dhe kohërave të një lojtari që gjithmonë dukej se polarizonte opinionin. Në një intervistë të publikuar nga Netflix, Neymar Sr thotë se ata menduan se “ishte koha e duhur që ne të hapnim shtëpinë tonë dhe të tregonim pak nga jeta e Neymar Jr dhe menaxhimin e karrierës dhe imazhit të tij”. Ai shton: Kemi disa kohë që marrim ftesa për të bërë një projekt të tillë, por këtë herë gjetëm partnerë të mirë, të aftë për ta treguar këtë histori në mënyrë të paanshme, duke treguar realitetin.
