Gjykata Kushtetuese ka shtyrë për sot vendimin për vlefshmërinë ose jo të shkarkimit të presidentit Ilir Meta nga Kuvendi. Seanca do të rinisë rreth orës 10:00 të ditës së sotme dhe do të jetë sërish maratonë, njësoj si të martën, kur nuk u mor dot një vendim, me kërkesat e njëpasnjëshme të palëve, kryesisht për çështje proceduriale.
Meta ka bërë një postim provokues gjatë ditës së sotme, në rrjetet sociale, ku shkruan:
“Mirëmëngjes të dashur miq! Kryesorja në jetë të ruajmë 1 dhe të mos e kemi mendjen te shtimi i zero, sepse pa 1 gjithçka zhbëhet në zero absolute”.
