Victoria Beckham me sa duket ka ngrënë të njëjtën vakt pothuajse çdo ditë për 25 vite.
Ylli i futbollit, David Beckham, foli për zakonet e të ngrënit të gruas së tij, duke treguar se prej që ai e takoi, Victoria ha vetëm peshk të pjekur në skarë dhe perime në avull.
“Unë kam shumë neps për ushqimin dhe verën, kur ha diçka të mrekullueshme, dua që të gjithë ta provojnë. Fatkeqësisht, jam i martuar me dikë që ka ngrënë të njëjtën gjë për 25 vitet e fundit. Që kur e takova, ajo ka ngrënë vetëm peshk të pjekur në skarë, perime në avull, dhe shumë rrallë ka hequr dorë nga kjo rutinë.”- u shpreh ai.
David tha se kishte një rast në të cilin gruaja e tij mori diçka nga pjata e tij, dhe kjo ishte kur ajo ishte shtatzënë me vajzën e tyre, Harper. Ai e përshkroi ngjarjen si diçka të mahnitshme.
“E vetmja herë që ajo ndoshta ka ngrënë diçka që ka qenë në pjatën time ishte në fakt kur ajo ishte shtatzënë me Harper dhe kjo ishte gjëja më e mahnitshme. Ishte një nga mbrëmjet e mia të preferuara. Nuk e mbaj mend se çfarë ishte, por e di që ajo nuk e ka “prishur dietën” më që atëherë”- tha ai.
Duket se përkundër historisë së saj muzikore, Victoria nuk është në të vërtetë një vajzë erëzash, shkruan “Unilad”.
Victoria ka treguar më parë se nuk konsumon ushqim të gatuar në vaj, gjalpë apo salca dhe nuk ha mish të kuq apo bulmet. Ajo pranoi se ushqimi i saj i preferuar ishte një copë bukë e thekur me drithëra integrale me kripë dhe se ditëlindjet ajo i feston duke ngrënë torta që kanë në përbërje fruta.
