Aktorja e njohur, Whoopi Goldberg është pezulluar së fundmi nga emisioni “The View” pas komenteve për Holokausti-n.
Gjatë një diskutimi në lidhje me vendimin e një bordi shkolle në Tennessee për të ndaluar romanin grafik të Holokaustit,“Maus”, Golberg u shpreh se Holokausti nuk ka të bëjë me racën.“Le të jemi të sinqertë, Holokausti nuk ka të bëjë me racën, nuk është. Bëhet fjalë për natyrën çnjerëzore të njeriut ndaj njeriut, për këtë bëhet fjalë. Këta [nazistët dhe hebrenjtë] janë dy grupe njerëzish të bardhë,” tha ajo në “The View” të hënën. "Po dilni nga tema. Le të flasim për çfarë është në të vërtetë. Ka të bëjë me mënyrën se si njerëzit e trajtojnë njëri-tjetrin. Është një problem. Nuk ka rëndësi nëse jeni të zinj apo të bardhë, hebrenj…të gjithë hanë njëri-tjetrin",tha ajo . Menjëherë pas këtij diskutimi, përmes një deklarate, presidentja e ABC News, Kim Goldwin, tregoi se aktorja është pezulluar përkohësisht dhe se kërkoi ndjesë publikisht.“Duke hyrë në fuqi menjëherë, unë do të pezulloj Whoopi Goldberg për dy javë për komentet e saj të gabuara dhe lëndueseNdërkohë që Whoopi ka kërkuar falje, unë i kam kërkuar asaj që të gjejë kohë për të reflektuar dhe mësuar për ndikimin e komenteve të saj. E gjithë ABC News qëndron në solidaritet me kolegët, miqtë, familjen dhe komunitetet hebrenj", u shpreh presidentja. Gjithashtu organizatat, Auschwitz Memorial dhe StopAntisemitism.org janë shprehur të revoltuar për komentin e saj.
