Mediat e huaja kanë raportuar së fundmi se reperi Kanye West do të duhet të plotësojë një kusht nëse do që të mbajë koncerte në Australi.
Sipas tyre, Kanye duhet të marrë vaksinë kundër Covid-19. Lajmi u konfirmua dhe nga kryeministri Scott Morrison i cili deklaroi se cdo person duhet të zbatojë rregullat e vendosura. “Rregullat janë që duhet të vaksinoheni plotësisht. Ato vlejnë për të gjithë, siç e kanë parë njerëzit së fundmi. Nuk ka rëndësi kush jeni, ato janë rregullat. Ndiqni rregullat – mund të vini. Nuk zbaton rregullat, nuk mundesh.”, u shpreh kryeministri,Sipas rregullave aktuale të Australisë, një shtetas i huaj duhet të vaksinohet plotësisht për të hyrë në vend. Vitin e kaluar, West konfirmoi se kishte marrë vetëm një dozë të vaksinës dhe e cilësoi atë si “shenjën e djallit”.
