Mediat e huaja kanë raportuar së fundmi se aktori i njohur, Arnold Schwarzenegger pësoi një aksident të rëndë ku makina e tij u përplas me një tjetër duke lënë të plagosur një person.
Një burim ka treguar për revistën People se gjendja e tij shëndetësore është e mirë, ndërsa është shqetësuar për të plagosurën. Ngjarja ndodhi në Bulevardin Sunset Në Los Angeles: “Ai është mirë, shqetësimi i tij i vetëm tani është gruaja që u plagos.” Gruaja e cila drejtonte Toyota Prius të kuqe, ka pësuar dëmtime dhe është transportuar me ambulancë në spital. Askush nuk është arrestuar dhe alkooli nuk besohet të ketë qenë një faktor", u shpreh burimi.
