Sia ka rrëfyer së fundmi sa keq e përjetoi zemërimin që shkaktoi filmi i saj “Music” në një pjesë të madhe të publikut. Këngëtarja rrëfeu se shkoi në rehabilitim, pasi kishte mendime vetëvrasëse si pasojë e reagimit të ashpër që erdhi me debutimin e saj si regjisore. Sia e ndau historinë e saj në profilin e Kathy Griffin në The New York Times, duke i dhënë meritën komedianes që i shpëtoi jetën.
Vendimi i Sias për t’i dhënë rolin aktores Maddie Ziegler si një vajzë adoleshente autike joverbale në film u dënua gjerësisht nga komuniteti i autizmit, pasi u pa si përshkrimi i autizmit në përgjithësi.
"Kisha mendime vetëvrasëse dhe po bëhesha gjithnjë e më keq dhe shkova në rehabilitim", -tha Sia, duke shtuar se ishte Griffin ajo që e bindi të dilte në një darkë në Hollywood, e bindur se dalja do të kapej nga paparacët dhe do të shkaktonte një cikël më të shëndetshëm mediatik muaj pasi zemërimi u bë kryefjalë.
Siç tha Sia: "Ajo më shpëtoi jetën".
Filmi u nominua për dy Golden Globes në shkurt 2021 dhe Sia njoftoi se do të publikohej me një paralajmërim, ku sqarohej se ‘Music’ në asnjë mënyrë nuk miraton ose rekomandon përdorimin e kufizimeve për njerëzit autikë. Në një tjetër postim në Twitter, artistja kërkoi falje.
