Moti i keq nga veriu ka zbritur dhe në jug. Mësohet se mbrëmjen e sotme reshjet e dëborës kanë zbardhur Fierin, Vlorën dhe rrethinat. Reshje të dendura borë kanë përfshirë mbrëmjen e së shtunës Qafën e Llogarasë në qarkun e Vlorës. Bora po bie me një intensitet tepër të lartë dhe tashmë trashësia e saj ka arritur në disa centimetra dhe në aksin nacional që kalon në këtë zonë.
Policia ka shtuar masat e sigurisë dhe rekomandon drejtuesit e mjeteve që të jenë të pajisur me goma dimri apo zinxhirë nëse duan të kalojnë në Qafën e Llogorasë.
