Ylli i Bollywood-it, Priyanka Chopra, ka reaguar për spekulimet mbi martesën e saj me muzikantin Nick Jonas.
Çifti i famshëm u martuan në dhjetor të vitit 2018 në një ceremoni ekstravagante të krishterë dhe hindu. Ndërsa në nëntorin e vitit të kaluar, filluan të qarkullojnë thashethemet se martesa e tyre ishte në krizë. Këto lajme nisën kur aktorja 39-vjeçare përditësoi emrin e saj në rrjetet sociale nga @PriyankaChopraJonas në @PriyankaChopra.
Në kopertinën e shkurtit të revistës Vanity Fair, publikuar së fundmi, Chopra diskutoi se si kontrolli i vazhdueshëm i mediave sociale ka ndryshuar mënyrën se si ajo e drejton karrierën dhe jetën e saj personale.
“Është një ndjenjë shumë e pambrojtur, në fakt, që nëse postoj një foto, gjithçka që është pas meje në atë foto do të zmadhohet dhe njerëzit do të spekulojnë”, pranoi aktorja. "Është thjesht një rrezik profesional... Për shkak të zhurmës së mediave sociale, për shkak të përhapjes që ka në jetën tonë, mendoj se duket shumë më e madhe nga sa është. Mendoj se i japim shumë më tepër besim në jetën reale dhe nuk mendoj është nevoja”.
Priyanka vazhdoi të zbulojë se ajo është bërë më e kujdesshme dhe introverte, sepse sipas saj, “të qenit në qendër të vëmendjes të merr një pjesë të shpirtit".
“Vazhdimisht duke u përpjekur të siguroheni që të thoni gjënë e duhur, të bëni gjënë e duhur, të visheni siç duhet, të mos bëni gabim, të mos udhëtoni, sepse e gjithë bota do të shikojë”, shpjegoi ajo.
Edhe bashkëshorti i saj, Nick Jonas, tha gjatë intervistës se dyshja kanë krijuar kufij për të siguruar një nivel privatësie dhe "të krijojnë një strehë të vogël të sigurt për veten me miqtë dhe familjen".
Duke parë përpara, Chopra tha se të kenë një fëmijë së bashku është një dëshirë e madhe e të dyve për të ardhmen dhe se pavarësisht nga axhendat e tyre të ngjeshura, ata nuk janë shumë të zënë për të tentuar të bëjnë një fëmijë.
