Gjykata e Shkallës së Parë në Fier ka dhënë paraditen e sotme masën e sigurisë për edukatoren 27-vjeçare Redina Binjaku, e cila u arrestua pas vdekjes së fëmijës 3-vjeçar në kopshtin privat ku ajo punonte. Gjykata ka dhënë masën e sigurisë arrest me burg me afat 30 ditë për edukatoren. Binjaku nuk është paraqitur fizikisht në Gjykatë, por është përfaqësuar nga avokati i saj mbrojtës, i cili është njohur me masën e sigurisë “arrest me burg” për klienten e tij. Gjykata e Fierit vlerësoi të ligjshëm arrestimin e edukatore, për veprën penale të shkeljes së rregullave në punë.
Familjarët e të miturit kanë shprehur rezerva në lidhje me vdekjen e të miturit, dhe versionin që iu ka dhënë edukatorja. Sipas tyre nuk ka mundësi që 3 vjeçari të jetë mbytur në një lartësi të tillë, siç është deklaruar nga ana e edukatores.
