Në nëntor të 2021-shit, modelja e njohur Kendall Jenner u bë kryefjala e rrjetit, për shkak të një fustani që ajo kishte veshur.
Ajo ishte pjesë e ceremonisë së martesës së shoqes së saj Lauren Perez në Miami. Për këtë rast, Kendall veshi një fustan të prerë, tërësisht të zi Mônot, i cili shfaqte prerje në formë diamanti në të gjithë gjoksin. Ndjekësit e konsideruan veshjen si “të papërshtatshme” dhe e kritikuan modelen, duke i thënë se një veshje e tillë nuk mund të vishet gjatë një ceremonie martese. Kendall ndërkohë, vendosi të mos reagojë ndaj këtyre kritikave dhe komenteve negative. Megjithatë, së fundmi zbuluam një detaj që e përmbyll një herë e mirë këtë çështje! Nusja Lauren Perez ka ripostuar një seri fotosh nga dasma e saj në “Instagram”, duke i vendosur mbishkrimin: “Nata më e madhe e vitit 2021! Gëzuar Vitin e Ri të gjithëve!” Në disa foto, duket dhe Kendall – së bashku me fustanin e saj famkeq – ku sërish tërhoqi kritika nga ndjekësit, duke përfshirë një që komentoi:
“Veshje e papërshtatshme në një dasmë @kendalljenner, më vjen turp për ty.”
Një tjetër ndjekës i është përgjigjur komentit të atij përdoruesi, duke shkruar:
“Nëse nuses nuk i intereson, pse të intereson ty, qetësohu.”
Lauren i ktheu përgjigje këtij komenti duke e konfirmuar, dhe duke na bërë të kuptojmë që veshja e Kendall nuk ishte një problem për të!
Edhe vetë modelja ka vendosur të reagojë, duke thënë:
“@laurenperez padyshim që kërkova miratimin tënd paraprakisht. Ne e duam një dasmë plazhi.”
