Sidney Poitier, ai që konsiderohet si ylli i parë me ngjyrë i Holliwood-it, që ka fituar çmimin Oscar, ka ndërruar jetë në moshën 94-vjeçare.
Poitier fitoi çmimin më të madh kinematografik në vitin 1963, për rolin e tij në filmin “Lilies of the Field,” ku interpreton një punëtor që ndihmon një grup murgeshash që të ndërtojnë një kishë.
Filmat e tij më të njohur kanë trajtuar tematikën e tensioneve raciale në SHBA dhe rolet e tij kanë bërë që njerëzit me ngjyrë të mos shikoheshin më vetëm si shërbëtorë, por edhe si mjekë, mësues apo detektivë.
Disa nga filmat e tij më të njohur janë “No Way Out”, ‘‘Edge of the City’’, “A Raisin in the Sun”, “A Patch of Blue”, “In the Heat of the Night”, “Guess Who’s Coming to Dinner”, “Buck and the Preacher”, “Uptown Saturday Night”, “The Wilby Conspiracy”, “Sneakers”, “The Simple Life of Noah Dearborn” etj.
