Departamenti Amerikan i shtetit ka reaguar për protestën e mbajtur përpara selisë së Partisë Demokratike. Përmes një postimi në faqen zyrtare,DASH shkruan se protesta u përshkallëzua në akte dhune. DASH iu drejtohet me një mesazh shtetasve amerikan dhe iu bën thirrje që të shmangin zonën rreth selisë së Partisë Demokratike, e cila tashmë është kthyer në një skenë krimi.
Gjithashtu, DASH thekson faktin se incidente të tjera mund të shfaqen në pjesë të tjera të qytetit.
“Protesta në selinë e Partisë Demokratike është përshkallëzuar në dhunë, me incidente të forcës fizike dhe gazit lotsjellës. Shmangni zonën dhe qëndroni të vetëdijshëm për rrethinën pasi mund të shfaqen incidente në pjesë të tjera të qytetit”, shkruhet në njoftim.
