Në mediat e huaja po flitej se Kanye po çmendej nga fakti që Kim Kardashian kishte nisur një romance me Pete Davidson dhe po bënte gjithçka për ta rifituar nënën e fëmijëve të tij. Pasi i ishte lutur dhe ishte refuzuar prej saj, burimet tregonin se ai kishte paguar paparacë dhe aktoren Julia Fox për të bërë xheloze Kim-in. Por, a është e vërtetë kjo? Julia Fox ka treguar ndryshe për “Interview Magazine”.
“E takova Ye (Kanye-n) në Miami natën e Vitit të Ri dhe ishte një kimi e menjëhershme. Energjia e tij është kaq tërheqëse! Ai më bëri mua dhe miqtë e mi të qeshnim e kërcenim gjithë natën. Ne vendosëm të mbanim këtë ‘vibe’ dhe të fluturonim përsëri në New York për të parë “Slave Play”.
Avioni i Ye u ul në orën gjashtë dhe shfaqja ishte në shtatë dhe ai ishte atje në kohë! Isha e impresionuar.
Pas shfaqjes zgjodhëm të darkonim në Carbone që është një nga restorantet e mi të preferuar.
Në restorant, Ye organizoi një set të tërë fotografik për mua, ndërsa njerëzit darkonin. I gjithë restoranti e pëlqeu idenë dhe na brohoriti teksa po ndodhte.
Pas darkës, Ye kishte një surprizë për mua. Jam ende në shok. Ai kishte mbushur një suitë të tërë hoteli plot me rroba! Ishte ëndrra e çdo vajze e realizuar! Ndihej si një moment i vërtetë Hirusheje.
Nuk e di se si e bëri këtë, apo si arriti gjithçka në kohë, por isha aq e befasuar!
Kush bën gjëra të tilla në një takim të dytë? Ose thjesht në një takim? Gjithçka me ne ka qenë kaq natyrale. Nuk e di se si do të shkojnë gjërat, por nëse ky është ndonjë tregues i së ardhmes, po më pëlqen si po shkon ky ‘udhëtim’!”- ka treguar ajo.
