Stilisti i njohur Giogio Armani ka zbuluar së fundmi se nuk do të nxirren në Janar koleksionet e meshkujve “Emporio Armani dhe “Giorgio Armani” vjeshtë-dimër 2022/2023.
Në një intervistë ekskluzive për MFF, stilisti deklaroi se mori këtë vendim për shkak të rritjes së infektimeve me Covid-19.“Në këto gati dy vite pandemie jam përpjekur të mos e humb kurrë vigjilencën. Rritja e infektimeve në Evropë në këto momente nuk më lë indiferent dhe pritet që pas pushimeve situata të jetë edhe më e paqëndrueshme.Për më tepër, në rastin e Parisit, shfaqja do të përfshinte zhvendosjen e 80 personave nga ekipi im, dhe është rrezik, njësoj për publikun, në Milano si në Paris. Prandaj, zgjedhja u zhvendos edhe një herë nga dëshira për të mbrojtur shëndetin dhe sigurinë edhe para shfaqjeve të modës, edhe pse ato janë momente themelore për sistemin e modës", u shpreh Armani. Gjithashtu ai tregoi se është anuluar edhe shfaqja e modës së lartë pariziane Giorgio Armani privé s-s 2022.
