Emiliano Domi shqiptari 25-vjeçar që tentoi të vriste nënën e tij në SHBA ka folur para hetuesve duke treguar shkaqet e kësaj ngjarje. Ai ka thënë se ajo ka qeshur me të dhe kjo e ka nxehur ndaj e ka shtyrë në tokë.
Domi u tha hetuesve se kishte marrë një thikë kuzhine duke goditur nënën e tij dhe më pas ishte larguar nga shtëpia.
Ai tha se qëllimi i tij ishte ta vriste dhe u largua nga shtëpia nga frika se mos ajo kishte vdekur. Pak më vonë Domi hyri në një furrë buke dhe filloi të bënte pyetje që ngritën shqetësime te autoritetet.
Këto çuan në kontrollin në banesën e tij ku u zbulua trupi i plagosur i nënës së tij. Domi akuzohet edhe për dy sulme të tjera kriminale.
