Mnistri i Kulturës i Ukrainës,Oleksandr Tkachenko është ankuar në “Netflix” për mënyrën si është portretizuar një personazh nga Kievi në “Emily në Paris”.
"Emily in Paris",flet për një vajzë amerikane, të luajtur nga Lily Collins, e cila udhëton në kryeqytetin francez për punë.Në serinë e fundit, Petra, një ukrainase, vjedh një dyqan gjatë një udhëtimi me personazhin kryesor Emily.Mirëpo kjo gjë nuk është mirëpritur mirë nga ministri i cili e përshkroi imazhin e Petrës si “fyes”.“Në ‘Emily në Paris’, ne kemi një imazh karikaturë të një gruaje ukrainase që është e papranueshme. Është gjithashtu fyese,” shkroi Tkachenko në Telegram.Nuk është hera e parë që seriali kritikohet për portretizimin e kombësive të ndryshme.Kur u publikua sezoni i parë, ai u kritikua, veçanërisht në Francë, për promovimin e imazheve stereotipike të qytetit dhe banorëve të tij.
