Aktorja e njohur ,Nicole Kidman ka folur sv fundmi për filmin e saj të ri “Being the Ricardos” ku ajo personifikon Lucille Ball.
Gjatë intervistës për "The Guardian", aktorja tregoi për marrëdhënien e personazhit të saj në çift dhe se është një lidhje që nuk funksionon."Bëhet fjalë për një marrëdhënie krijuese dhe romantike që nuk funksionon. Por prej saj dalin disa gjëra të jashtëzakonshme. Dhe unë e dua këtë ngjarje. Më pëlqen që nuk është një fund i lumtur", u shpreh Nicole. Pas kësaj përgjigje , gazetarja e pyeti nëse po i referohej martesës së saj me aktorin Tom Cruise."Oh, Zot i madh, jo, jo. Absolutisht jo. Jo. Dua të them, kjo është, sinqerisht, kaq shumë kohë më parë saqë nuk është më në këtë ekuacion. Pra, jo. Dhe unë do të kërkoja që të mos më bëjnë pyetje në këtë mënyrë. Për mua është pothuajse seksiste, sepse nuk jam e sigurt që dikush do t’ia thoshte këtë një burri", deklaroi e irrituar Kidman.
