Regjisori dhe skenaristi i njohur, Jean-Marc Vallée, ka ndërruar jetë në moshën 58-vjeçare.
Lajmi është konfirmuar për mediat nga miku i tij , Nathan Ross i cili zbuloi se Vallée ka vdekur në shtëpinë e tij në periferi të qytetit Quebec. : “Jean-Marc ishte person i cili e promovonte kreativitetin, autenticitetin dhe eksperimentimin me gjëra të ndryshme. Ai ishte një artist i vërtetë dhe një burrë zemërgjerë dhe shumë i dashur. Të gjithë ata që kanë punuar me të, nuk kanë pasur si të mos e shohin talentin dhe vizionin që ai e posedonte. Ai ishte mik, partner kreativ dhe një vëlla i madh për mua. Mjeshtri i madh Vallée do të na mungojë shumë, por është ngushëllim kur dihet se puna e tij me stil dhe ndikim të cilën ai e ndau me botën, do të vazhdojë të jetojë”, u shpreh Nathan.Regjisori ishte i njohur për filmat: “Dallas Buyers Club” dhe “Wild” si dhe serialet “Big Little Lies” dhe “Sharp Objects”
