Kryeministri Edi Rama ka bërë me dije vendimin e qeverisë për një nismë të re demokratike për të hapur procesin gjithëpërfshirës të Këshillimit Kombëtar për Shqipërinë. Kreu i qeverisë thotë se është ë koha t’i lemë pas llogoret e sherrit politik që të hedhim hapa të mëdhenj përpara. Nisma e re përfshin një pyetësor drejtuar çdo shqiptari, në Shqipëri apo në botë për të marrë mendimin mbi çështje me rëndësi strategjike për vendin, ekonominë, shoqërinë.
Në prag të një Viti të Ri mundësish të reja, Qeveria vendosi t’i japë jetë një nisme të re demokratike, duke hapur procesin gjithëpërfshirës të Këshillimit Kombëtar për Shqipërinë. Me një pyetësor drejtuar çdo shqiptari, në Shqipëri apo në botë, do të zhvillojmë një kuvendim popullor, ku duam mendimin tuaj mbi çështje me rëndësi strategjike për vendin, ekonominë, shoqërinë”, tha Rama.
Sipas kryeministrit, temat që shqiptarët do të pyeten janë si për shembull, anëtarësimi i Shqipërisë në BE apo Ballkani i Hapur.
