Epidemiologia Silva Bino ka raportuar për ecurinë e vaksinimit në vend. Në një konferencë për mediat, Bino deklaroi se deri më tani është arritur 40% e mbulesës vaksinale në vend dhe 50% për grupet e targetura. Sipas saj janë 2 milionë e 700 mijë vaksina të ndara mes Pfizer, Coronavac dhe Astrazeneca, por mbizotëron vaksina Pfizer. Bino theksoi se përqindje më të lartë të vaksinimit kanë bashkitë, ku në Tiranë është 57%, dhe Himara me 80%.
“Përqindje të lartë vaksinimi Bashkia e Tiranës që është mbi 57%, bashkia e Himarës Himara 80% e vaksinimit. Janë dhe disa bashki ku po punohet. Kemi një besueshmëri të lartë të popullatës te personeli shëndetësor që është shumë e rëndësishme. Është një rritje e menjëhershme për dozat e treta, në dy javët e fundit si një masë për parandalimin e Omicron në vend që është tejet infektues. Edhe vaksinimi ndaj gripit po ecën”, tha Bino.
