Kryeministri Edi Rama ka dalë në një konferencë për shtyp me drejtoreshën e AKSHI-t, Linda Karçanaj në lidhje me skandalin e nxjerrjes së pagave të më shumë se 600 mijë personave. Kryeqeveritari ka shprehur gatishmërinë për të bashkëpunuar me Prokurorinë për të zbardhur skandalin e publikimit të pagave të mbi 600 mijë shqiptarëve. Rama ka disa dyshime se kush mund të kenë publikuar pagat për mbi 694 mijë qytetarëve dhe për cilat arsye ato u bënë publike pikërisht në këtë kohë. Kreu i qeverisë tha se këto të dhëna kishin dalë muaj më parë dhe jo tani që u publikuan.
“Unë e kam një opinion shumë të qartë, nëse prokuroria ka dëshirë ta dëgjojë opinionin tim, jam gati t’ia them, nuk e them publikisht se nuk dua të bëj politikë. Unë e kam shumë të qartë se përse mund t’ju duhen pagat atyre që kanë hedhur në treg databazën e patronazhistëve” tha ai.
