Aktori i njohur Chris Noth është larguar nga seriali “The Equalizer”.
Në një deklaratë për mediat , "Universal Televison " dhe "CBS" u shprehën se Chris nuk do të xhirojë më episode të tjera pasi ndaj tij u ngritën akuza për sulme seksuale. Aktori u akuza nga dy gra të cilat ndanë detaje të sulmeve të tyre të supozuara për "The Hollywood Reporter". Sipas tyre, abuzimet ndodhën në një nga shtëpitë e tij , e para në apartamentin e tij në Los Angeles dhe e dyta në pronën e tij në New York. Nga ana tjetër, Noth mohoi akuzat e ngrejtura dhe tregoi se ai kishte patur ‘takime konsensuale’ me to teksa ishte në një marrëdhënie me gruan e tij, Tara Wilson.
